سمڵ‌ومێخه‌ک سه‌مبولی خۆشه‌ویستی

  سه‌رده‌مانێک بوو که سمڵ و مێخه‌ک وه‌کوو دوو سه‌مبولی خۆشه‌ویستی له مێژوی کۆنه‌وه له لایه‌ن دوو خۆشه‌ویست ده‌گۆردرایه‌وه . له سۆزی ئه‌وینداران وشه‌‌‌ی سمڵ و مێخه‌ک ، بۆن و به‌رامه‌یی خۆلیابوونی تێدا به‌دی ده‌کرا وه کوڕانی دڵدار بۆ خۆشه‌ویسته‌که‌یان چه‌ن گۆ مێخه‌ک و سمڵیان ده‌کرد چاره‌کێکه‌وه  وه به دیاری ده‌یانارد.

به داخه‌وه ئه‌م سه‌مبوله جوانه ئه‌مرۆکه  زۆر به ده‌گمه‌ن له دێکاندا به‌رچاو ده‌که‌وێت و زۆربه‌ی لاینگرانی ژنانی به ته‌مه‌نن که بۆن‌و به‌رامه‌ی سمڵ و مێخه‌ک ده‌یانباته‌وه بۆ رۆژانی خۆشی دڵداری. چه‌ن که‌سێک له بنه‌ماڵه‌ی نزیکمان وه‌کوو پور و مامۆژن، هێشتاکوو له سه‌ر سینه‌یاندا گۆ مێخه‌ک و سمل میوانه و جار...جارێکیش تێر...تێر بۆنیان ده‌که‌م  . وه‌کوو سه‌مبولی جوانی و بۆن خۆشی  پێشکه‌شه به هه‌موو دڵداران .

نه‌ورۆزانه

ده‌لاقه‌ی دڵتان ئاوه‌ڵا که‌ن که نه‌سیمی به‌هاری

بۆ له دایک بوونی گۆڵه نێرگزه ‌کان

جه‌ژنی شادی ده‌گێڕێت

پاشان،

 له ئامێزی دار، چڵ و گیاکاندا

به زمی ماته‌می دوێنی هه‌ڵبجه‌و

سه‌مای ئه‌مرۆی دوانزه‌ سواره

ئاگری نه‌ورۆز ده‌خولقێنێ

***

نه‌ورۆزتان پیرۆز

 

چه‌پکه گوڵێک ئاراسته‌ی بیر، بڕوا،زانین و لێ‌هاتوویی

 

ڕێزدار دڵسۆز و کارامه ئه‌ندازیار به‌ڕێز" ته‌وان"

 شاره‌داری ماندوونه‌ناسی شاره‌ خنجیلانه‌که‌ی مه‌ریوان

له‌ ڕۆژه‌وه بۆ به‌ڕێوه‌بردنی کارێکی پێویست سه‌ردانی شاره‌داریم کرد و شڵه‌ژاوی زۆرێک له کارمه‌ندانی سه‌ر مه‌ست له گه‌نده‌ڵی و بێ خه‌یاڵی ئه‌و ده‌سگایه‌‌م به چاوانی خۆم دی ، هه‌وڵم‌دا زۆرتر له هۆکاره‌که‌ی  سه‌ر د‌ه‌ر بێنم، به‌ ئه‌مه‌ک بوونتم لا وه‌کوو خه‌ون و خه‌یاڵ وا بوو، له هه‌مووان تێکۆشانی بێ‌وچانتم بیستبوو.

ئێستاکه باوه‌ڕ نه‌کراو، خه‌ونه‌کان هه‌ر چه‌ن بچووک به‌ڵام زۆر کارناسانه و دڵسۆزانه ،تێکرا به بیری کراوه و هه‌ستی  خزمه‌تگوزاری به واقعیه‌ت ده‌بینم ، ناتوانم وه‌کوو شارومه‌ندێکی ئاسایی ده‌ست خۆشانه‌ت لێ نه‌که‌م . بۆ ڕێزلێنان له کاری پاک و خاوێنی ، جوانکاری، ساز و کاری  پرۆژه ی کردنه‌ه‌وه‌ی خان و به‌ره و زۆر شتی تر بێجگه له گه‌شه‌ی ده‌ڕوون هیچم پێ‌ناوترێ .

هیوادارم ڕۆژێک بێت هه‌نگاوی به نڕختان ، ڕچه‌شکێنی ئه‌ویندارانی خزمه‌ت به کۆمه‌ڵی ئینسانی و مافی شارۆمه‌ندی بێت و دونیایه‌ک  له که‌لێنی به‌جێماوی چه‌ن ساڵه‌ی که‌سانی ناشاره‌زا و دیکۆری  پێش جه‌نابتان که به ڕاستی قه‌ره‌بوو کردنه‌وه‌یان زۆر ئه‌سته‌ممه که‌م کاته‌وه.

جارێکی تر به‌ناوی ده‌نگی منداڵانی چاو گه‌شی شاره‌که‌م و ئه‌وینداری فه‌رهه‌نگی شارۆمه‌ندی شاری جوانی مه‌ریوانم سپاس و پێ‌زانینی خۆم ئاراسته‌تان ده‌که‌م . به ئاواتی به ئه‌نجام گه‌یاندن و به‌رێوه‌بردنی پرۆژه‌ی به‌نرخ و پیویستی فه‌رهه‌نگ سازی  کۆمه‌ڵی شارۆمه‌ندان و تایبه‌ت ‌مه‌ندیه‌کانی منداڵانی شاره‌که‌مان له ڕۆژی جیهانی منداڵاندا.

 

راکردن

هه‌ر به‌ منداڵی له گروپی یاری تۆپی پێ و راکردن ، خولیابوونم له خۆمدا ده‌بینی. زۆر جار به هۆی لاخستنی یه‌ک له دوای یه‌کی پێڵاوه‌کان، بابم و دایکم لێم ده‌ئاڵۆزان، به‌ڵام ئه‌م خولیابوونه‌م کاتێک لا به سۆزتر بوو که ته‌مه‌ن به‌ره‌و به‌رزی هه‌ڵیکێشا و وه‌کوو ئه‌کسیرێک ئه‌و راهاتنه‌م به‌رزتر و شیاوتر له جه‌سته‌و رۆحمدا به‌دی ‌کرد.راکردن وه‌کوو گۆڕیانی خوێن و ده‌مار،نوێ بوونه‌‌وه‌ و نه‌زم و دیسيپلینی پێ به‌خشیوم. وره‌به‌خشین و هه‌ستی گه‌شاوه‌یی به‌ نرخ‌ترین ده‌سکه‌وتی وه‌رزشی راکردنمه، به تایبه‌ت  وه‌کوو دیداری رۆژانه‌ی دیمه‌نی سه‌ددی زرێوارو مانگی گوڵان.  

نه‌ورۆز

بوژاندنه‌وه‌ی  ده‌شت و چیاکان ، قه‌ڵبه‌زه‌ی ئاوی شیو و دۆڵ ،  تێکڵاو به بۆنی نه‌‌رگز و گه‌زیزه  و چریکه‌ی باڵنده‌کان  و ده‌نگی نه‌مر حه‌سه‌ن زیره‌ک  ئاوێته‌ی سات و کاته‌کانی به‌‌هاریتان

تکایه کرته‌یه‌ک

ته‌مه‌ن درێژ بن مامۆستا

 ئه‌م ساڵی خوێندن قوتابخانه‌ی سه‌ره‌تایی یه‌کێک له ئاوایه‌کانی نزیک شاره‌خنجیلانه‌که‌ی مه‌ریوان به کۆڕی گه‌رمی ماموستایانی دڵسۆز به دوا قۆناغه‌کانی گه‌یشت . ساڵێ پێشتر له سه‌ر‌‌تای کرانه‌وه‌ی قوتابخانه‌کان یه‌عقووب  قوتابیه‌کی کز که به ده‌ست نه‌خۆشی پێستیه‌وه  سیمای جوان و بێ غه‌شی شاردرایه‌وه و سه‌رجه‌م‌ خه‌ڵکی کاتێ لێی نزیک ئه‌بوونه‌وه ، جۆری ڕووانینه‌کان دڵی بێگه‌ردی ئه‌و منداڵه نازداره‌ی ده‌هه‌ژاند .

له‌گه‌ڵ دایکی ئه‌و منداڵه لێ دووانێکم بوو ،  به نیشان دانی ته‌ئیدیه‌ی  دوکتۆر سه‌لماندی ئه‌و نه‌خوشیه‌ ئیرسیه و جێ مه‌ترسی گڕتن و گوازتنه‌وه‌ی به منداڵانی دیکه‌ی نیه و هه‌روه‌ها کیژێکی گه‌وره‌ساڵی دیکه‌یان که به ئه‌و ده‌رده‌وه گرفتاره زۆر کاری‌تر  نه‌خوشیه‌که په‌ره‌ی سه‌ندووه  به جۆرێک که ئه‌و کیژه  له روبه‌روو بوونه‌وه  له خه‌ڵکی خۆ ئه‌پارێزێ.

بنه‌ماڵه‌که له باری ماڵیه‌وه زۆر له سه‌ختی ده‌ژین و به پێوه‌ندی له گه‌ڵ دایه‌ره‌ی ( بهزیستی )  ده‌رکه‌وت  که له که‌م‌ترین یارمه‌تی  به‌‌شدارن.یه‌عقووب  له دوای 2 حه‌وتوو له خوێندن ، جوری ڕووانینی هاوپۆلان، که‌م‌تر خه‌می بنه‌ماڵه و … قوتابخانه‌ی به جێ هێشت و بۆ ساڵێک له قوتابخانه‌ دووا که‌وت.

ئه‌م ساڵی خوێندن به هاتنه‌وه‌ی یه‌عقووب  ته قالای مامۆستای ڕێزدار  نه‌جمی  توانی له سه‌ر  ڕووانگه‌ی  قوتابیان ته‌سیر دابنێت و زۆر زوو  منداڵانی دیکه قه‌بووڵی بکه‌ن .

زۆرجار له گه‌ڵی ئه‌دووام له‌ئه‌وه‌یی که له جه‌رگه‌ی خوێندن  خه‌ریک  ته‌قه‌لایه   ڕازی و سه‌ر مه‌ست بوو.

به کامێراکه‌وه  سه‌ردانی کۆڕی قوتابیانی پۆلی یه‌که‌مم کرد و وێنه‌یه‌کم  هه‌ڵگرت و به‌م بۆنه‌وه به ئه‌و په‌ر ڕێز و حورمه‌ته‌وه  لێره دایده‌نێم  و به مامۆستا نه‌جمی ده‌ڵێم :

 

ده‌ستان خۆش و ته‌مه‌ن درێژ بن

ڕێزدار کاک ئاکام سه‌رکه‌وتنت لێ پیرۆز

چه‌ن رۆژ پێش  به بۆنه‌ی سه‌رکه‌وتنی کاک  ئاکامی خۆشه‌ویسته‌وه  سه‌ردانی  کۆڕی پێنج که‌سی بنه‌ماڵه‌ی شه‌بڕه‌ندیم کرد . پێش‌تر به بیستنی سه‌رکه‌وتنی پۆلێک له قوتابیانی شاره‌ خنجیلانه‌که‌م مه‌ریوان کۆڵێک

حه‌ز و شادمانیم  بۆ هات . به‌ڵام به ده‌ست هێنانی پله‌ی سێ له ناوچه‌ی سێهه‌می وڵاتدا له ئازمونی زانکۆی

85 و هه‌ڵبژاردنی پزشکی و ته‌خه‌سۆسه‌که‌ی  بۆ خۆی شانازیه‌کی تایبه‌تی به دوواوه بۆ . وتووێژ وباس  له

 سه‌ر بارودۆخی ته‌قالای کاک ئاکام و پاڵپشتی بنه‌ماڵه وه‌کوو گرینگیه‌کانی پێویست زۆر به ڕوونی ده‌رده‌که‌وت.

سه‌رکه‌وتنی برا گه‌وره‌ی ئه‌وان واته کاک " ئاکۆ " به پله‌ی600 له ئازمونی دوو ساڵی پێش‌دا و خوێندکاریه‌کی زیره‌ک له دوکتۆرای ئاژه‌ڵداری سه‌رکه‌وتنێکی‌تری ئه‌و بنه‌ماڵه‌یه بوو .

ئه‌من وه‌کوو  هاوشاریه‌ک ئه‌و سه‌رکه‌وتنه به خۆیان و بنه‌ماڵه‌ی " شه‌بڕه‌ندی " پیرۆزبایی ده‌ڵێم و وێڕای جه‌خت کردن له سه‌ر گرفتێکی هه‌ر زه‌ق له کۆمه‌ڵی پزشکی‌ ئه‌مرۆی ئێراندا، واته‌  له به‌ر چاوگرتنی پوڵێکی هه‌ره زۆر له پێش عه‌مالیاتی جه‌ڕاحی‌  له نه‌خۆشه‌کان ، جیاواز له خه‌رجی له به‌رچاوگیراوی خه‌سته‌خانه وه‌کوو "شیرینی" که بوه به هۆی له کیس چوونی زۆرێک له نه‌خۆشانی که‌م ده‌ست و چاوه‌ڕوان به گرانه‌وه‌یی ژیان.

هه‌ر به ئه‌م به‌هانه‌وه دیمانه‌یه‌کی کورتم له گه‌ڵ کاک ئاکام‌دا به‌رێوه برد و ئه‌وان به‌ڵێنیان دا وه‌کوو منداڵێکی

زه‌حمه‌تکێش  و پزشکێکی دڵسۆز گه‌له‌که‌ی ئه‌و دیارده‌ ناپه‌سه‌نه‌ی ئه‌مرۆی  نێو کۆمه‌ڵی ئێمه‌دا له ژێر پێ بنێن وبه توندی مه‌حکومیان کرد . وێرای سپاس بۆ ئه‌و لاوه ڕێزداره  بۆ یادمانی ڕۆژانی داهاتوو له ئه‌و دیمانه کورته فیلم و وێنه‌م هه‌ڵگرتووه که لێره‌دا وێنه‌یه‌کی به‌رێز کاک ئاکام ئاراسته‌ی میوانانی ساڕاڵ ده‌که‌م و سه‌رکه‌وتنی

زۆرتریان بۆ ئاواته‌خوازم.