ئیواره ڕۆژێکی جێژنی قوربان

  له ئیواره ڕۆژێکی جێژنی قوربان ، دڵته‌نگ‌تر له جاران ، بۆ دیداری کۆچ‌کردووان ڕێگام  گرته‌به‌ر بۆ دارسێران. زریوه‌ی چراکانی شار، پیشانگای ماته‌مینێکی پڕتر له پڕ، شیاوتر له شیاو بۆ مه‌کۆی ئازیزان ته‌رخان کردبوو.

مه‌رگ واقعییه‌تێکی حاشا هه‌ڵنه‌گره ، که زۆربه‌مان خۆمانمان لێ گێل کردووه و نه‌ک ڕۆژانی جێژن و سه‌رقه‌بران به‌ڵکو سات و کاته‌کانی  بێ واده‌ی ژیان که لێواولێوین له خه‌نده‌ و پێکه‌نین ، به بیر هێنانه‌وه‌ی مه‌رگ ، چاوێلکه‌ی ده‌رون ڕ‌‌ه‌نگاڵه‌یه‌کی‌تر به خۆیه‌وه ده‌گرێت که وا هه‌ست ده‌که‌م ئارم به‌خشه.